ق ر پارلامەنتى ءماجىلىسىنىڭ دەپۋتاتى، ق ر بالا قۇقىقتارى جونىندەگى ۋاكىل زاعيپا بالييەۆا وقو سارىعاش اۋدانىنداعى اباي اۋىلىندا جوعارى سىنىپ وقۋشىلارى زورلادى دەگەن 7 جاسار بالانىڭ جاعدايى تۋرالى ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساي وتىرىپ.
«بالا ءقازىر ساباقتا، ونىڭ قاسىندا اجەسى مەن تاتەسى بار. بالانىڭ قارنى توق، جاعدايى جاقسى. مەن بىرنەشە ازاماتپەن بارىپ كەلدىم، ولاردى ءوز كوزىممەن كورىپ قايتتىم»، — دەدى ول.
بالييەۆا بالانىڭ اناسى بىرنەشە كۇننەن بەرى تەلەفوندى كوتەرمەيتىنىن ايتتى.
«اناسىن بىرنەشە كۇننەن بەرى ءبىز دە تابا الماي ءجۇرمىز. ۇلى دا، تاتەسى دە حابارلاستى، الايدا ول تەلەفوندى كوتەرمەيدى. مەن نە بولىپ جاتقانىن بىلمەيمىن. ەڭ باستىسى ءقازىر بالانىڭ جاعدايىن ويلاۋ كەرەك. ونىمەن پسيحولوگتار جۇمىس ىستەپ جاتىر»، — دەدى بالييەۆا.
ەسكە سالىپ وتسەك، ءۇش-تورت كۇن بۇرىن وتاندىق ب ا ق بەتىندە «اباي اۋىلىنداعى مەكتەپتەردىڭ بىرىندە 7 جاسار بالانى جوعارى سىنىپ وقۋشىلارى بىرنەشە رەت زورلاعان» دەگەن اقپارات تاراعان ەدى. سارىاعاش اۋدانىنا قاراستى اباي اۋىلىندا بار-جوعى ءبىرىنشى سىنىپتا وقيتىن وقۋشىنى وزىنەن 7-8 جاس ۇلكەن 4 وقۋشى 5 اي بويى زورلاپ كەلگەن كورىنەدى. ءجابىر كوردىم دەگەن بالا بۇل تۋرالى تۋىستارىنا بىلتىر تامىز ايىندا ايتقان ەكەن. سودان بەرى پوليسەيلەرگە نەشە مارتە بارعانىمەن ءتارتىپ ساقشىلارى شاعىمدى تەك قاڭتار ايىندا قابىلداپتى.
الايدا سوت-مەديسينالىق ساراپتاما قورىتىندىسى ءبىرىنشى سىنىپ وقۋشىسىنا سەكسۋالدى سيپاتتاعى زورلىق-زومبىلىق جاسالعانىن تەرىسكە شىعاردى.
كەشە وقو اكىمى جانسەيىت تۇيمەبايەۆ سارىاعاش اۋدانى، اباي اۋىلىنداعى مەكتەپتە بولعان كەلەڭسىز جاعدايعا بايلانىستى جاۋاپتى تۇلعالارعا شارا قولداندى. اتاپ ايتساق، ق ر زاڭىنا سايكەس وبلىس اكىمىنىڭ ورىنباسارى ۇ.سادىبەكوۆكە قاتاڭ ەسكەرتۋ بەرىلدى. سونداي-اق، سارىاعاش اۋداندىق جەرگىلىكتى پوليسيا قىزمەتى باسشىسى و.بەردالى مەن سارىاعاش اۋدانى، اباي اۋىلدىق جەرگىلىكتى پوليسيا بولىمشەسىنىڭ باسشىسى ءا.يبراگيموۆ، يۋۆەنالدى پوليسيا بولىمشەسىنىڭ №73، №74 جالپى ورتا مەكتەپتەرىنە جاۋاپتى پوليسيا ينسپەكتورى ق.سارييەۆ قىزمەتىنەن بوساتىلدى.
